| ആചാര്യാദ് പദമാദത്തേ പാദം ശിഷ്യസ്സ്വമേധയാ പാദം സബ്രഹ്മചാരിഭ്യ പാദം കാലക്രമേണതു. |
ആചാര്യനില്‍ നിന്നും അറിവിന്റെ നാലിലൊരു ഭാഗമേ ലഭിക്കുന്നുള്ളൂ ,നാലിലൊന്ന് ശിഷ്യന്‍ സ്വയമാലോചിച്ചു ഗ്രഹിക്കുന്നു, നാലിലൊന്ന് ഒപ്പം പഠിക്കുന്നവരില്‍ നിന്നും ശേഷിച്ചഭാഗം കലക്രമേണയും അറിയുന്നു.
ഏതെങ്കിലും ഒരു കോഴ്സു പൂര്‍ത്തിയായതു കൊണ്ടുമാത്രം വിദ്യപൂര്‍ണ്ണമാകുന്നില്ല . ഓരോ ദിവസവും നാമോരോരുത്തരും പുതിയപാഠങ്ങള്‍ പഠിച്ചുകൊണ്ടിരിക്കുകയാണ്.
അറിവിന്റെ അക്ഷയഖനിക്കായായ ഈശ്വരനോടു നമുക്കു പ്രാര്‍ത്ഥിക്കാം.
| വിദ്യത്വം ച നൃപത്വം ച നൈവതുല്യം കദാചന സ്വദേശേ പൂജ്യതേ രാജാ വിദ്വാന്‍ സര്‍വ്വത്ര പൂജ്യതാ |
അറിവും രാജത്വവും ഒരിക്കലും തുല്യത്വമല്ല . രാജാവ് സ്വന്തം നാട്ടിലേ ബഹുമാനിക്കപ്പെടുകയുള്ളൂ ,വിദ്വാന്‍ എല്ലായിടത്തും പൂജിക്കപ്പെടെന്നു. അതിനാല്‍ അറിവുതന്നെയാണ് മഹത്തരം.
| വിദ്വാനേവ വിജാനാതി വിദ്ദ്വജ്ജന പരശ്രമം നഹി വന്ധ്യാവിജാനാതി ഗുര്‍വ്വീം പ്രസവവേദനാം |
വിദ്വാന്മാരുടെ പരിശ്രമത്തെക്കുറിച്ച് വിദ്വാന്‍ മാത്രമേ മനസിലാക്കുന്നുള്ളൂ . വര്‍ധിച്ച പ്രസവവേദനയെന്തെന്ന് വന്ധ്യയ്ക്കറിയുകയില്ലല്ലോ .
| സര്‍വ്വ : സര്‍വ്വം ന ജാനാതി സര്‍വ്വജ്ഞോ നാസ്തി കശ്ചന നൈകത്ര പരീതിഷ്ഠാസ്തി ജ്ഞാതസ്യ പുരുഷേത്വചില്‍ |
എല്ലാമറിയുന്നവരായി ലോകത്തിലാരുമില്ല , ഒരാളില്‍ മാത്രം സര്‍വ്വജ്ഞാനവും നിക്ഷിപ്തമായിരിക്കുന്നുമില്ല്ല്ല , ചിലര്‍ക്കു ചിലതിനെകുറിച്ചും മറ്റു ചിലര്‍ക്ക് വേറെ ചിലതിനെക്കുറിച്ചും ജ്ഞാനമുണ്ടാകും .
| ന ചോരഹാര്യം ന ച രാജഹാര്യം ന ഭ്രാതൃഭാജ്യം ന ച ഭാരകാരീ വ്യയേ കൃതേ വര്‍ധത ഏവനിത്യം വിദ്യാധനം സര്‍വ്വധനാല്‍ പ്രധാനം |
സര്‍വ്വധനത്തേക്കാളും പ്രധാനം വിദ്യാധനമാണ് . അതു കള്ളന്മാരാലോ രാജാക്കന്മാലോ അപഹരിക്കപ്പെടുന്നില്ല ,സഹോദരന്മാര്‍ പങ്കുവെയ്ക്കുന്നില്ല , ഭാരവുമില്ല ,മാത്രമോ ചിലവു ചെയ്യും തോറും വര്‍ധിച്ചുവരികയും ചെയ്യുന്നു.
പോസ്റ്റുകള്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ